Chronik

To Anfang stünn een Wett ...

 

Am Beerdisch vun hütigen "Schüttenhoff" hätt Sieggen Scheel ut de Dörpstrat mit de Politiker Korl Eigen un Max Mamerich wett, dat he innerhalv vun veer Weken een Schüttenverein grünnen kunn. Sieggen Scheel hätt de Wett gewunnen ... un somit füng de Chronik vun den Schüttenveren Stockelsdörp an, de hier uttogswies av seine Babytied und de Entwicklung in de Bengelsjohrn weddergeven ward.

 

28.4.1964 - De Grünnung

 

Ünner Bedeligung vun afordnungen ut Ahrensbök, Schwartau un Techau wör in de Gaststuv vun Jaacks de Grünnung vun achttein Schüttenbröder vulltroggen:

  • Hermann Schröder as 1. Vörsitzender
  • Wernhard Schönfelder as 2. Vörsitzender
  • Sieggen Scheel as 1. Schüttenmeister
  • Heinz Beth as 2. Schüttenmeister
  • Willi Kirchhoff as Schriftverstänniger
  • Korl Kagel as Finanzminister
  • Hein Meyer as Kinneruppasser
  • Kurt Brüdigam as Organisationsgenie

as Mitglieder: Korl Eigen, Max Hamerich, Theo Hahmeier, Hans-Hermann Jaacks, Gustav Komernitzik, Willi Kripgans, Bruno Loose, Günter Luckert, Alfred Seiler und Korl Siemers.

 

De Scheetbetrieb wör tonächst up de groot Deel vun Schüttenbroder un Verenskröger Jaacks up 2 montierbore LG-Stänn vulltraken.

 

29.9.1964 - Stockelsdörp ward "Monarchie"

 

Intwüschen up 31 stattliche Kirls anwossen, wör dat irste Königsscheeten up de Stänn vun uns Ahrensböker Schüttenbröder utdragen und Hein Meyer neben seine twee Ritter Albert Gumpert und Korl Siemers to´n irsten Stockelsdörper König proklamiert.

 

Oktober 1964 - Priesscheeten und Inweihung vun Luftbüssen-Stänn

 

Een bannigen Erfolg wör dat irste Priesscheeten, as 322 Besöker sößdusendfievhundert Schuß up de Schiewen vun de veer nüen LG-Stänn afgeben hebt.

 

1965

 

Bannigen Insatz gev dat up de Tegelie, as dor mit veel oll Holt und veel Köm und Beer de Tondubenstand hochmeracht wör. Söss Johr lang güng dor de Ballerie rüm um hohe Würden bi de Vereins-, Kreis- und Bezirksmeisterschaften.

 

Tontaubenschießen

31.8.1965

 

Dat irste Schüttenfest mit den imposanten Festümtug hett alle Erwartungen öberdrapen. Bie grote Andeelnahm vun de Stockelsdörper wör de Grundsteen legt för dat alle Johr im grötteren Utmat stattfinnende Schütten- und Heimatfest.

 

12.6.1966 - Fahneninweihung


Nadem in dat Vörjahr vor de aktiven Schüttenbrüder ne statt'sche Uniform anschafft wör, müß nu noch ne Fahn ran, de spontan ut meistendeels Spenden vun de Mitglieder finanziert wör. As Uptakt to'n Schüttenfest wör de nüe Fahn vun unsern Stockelsdörper Preester Schwarnweber an de Fahn vun de Ahrensböker Gill weiht. As Inschrift is een bedütsamer Spruch instickt:

 

"Im Auge Klarheit, Im Herzen Wahrheit"

 

Mannigeen Fahnennagel wör to Erinnerung an diesen Tag vun veele befründte Verene und Verbänn öbergeben.

 

12.6.1966 Fahnenweihe

 

1967/68 Scheetstandbau

 

Na de enorme Entwicklung, de in de korte Tied siet Bestahn vun' Veren to verteken wör, güng dat an den Bu vun' Klenkaliber-Scheetstand ran und een Buutschuß mit de Schüttenbröder Brüdigam, Jaacks und Siemers ünner Mitwirkung vun den Architekten Unruh bildt.

Mit unwohrschienlichen Elan wör de Bu mit öwer 4.400 vun de Schüttenbröder upbröchte Arbeitsstunnen und eene Gesamtegenleistung vun rd. 51.500 Mark siene Vullendung entgegenföhrt.

  • Beslutfatung - 20.4.66
  • Bugeginn an de Wallanlagen - Juli 66
  • Grundsteenleggung - 4.10.66
  • de Richtkron weiht öber den Bu - 8.11.66
  • Inweihung - 23.9.67

De Inweihung vun nüen Scheetstand und de Slöttelöbergav an den Schüttenmeister Julius Schönfelder wör in Biesien vun veele Vertreter vun Behörden, Verbänn und Verene vörnahmen. Ok de Patenkompanie ünner den Chef OLt Sommer wör dorbi und hätt sick dat irste Mal de Stockelsdörper vörstellt.

 

 

1968 - Betriebsmannschaftsscheeten

 

Irstmalig wör een Betriebsmannschaftsscheeten up den KK_Scheetstand dörchföhrt, an den 26 Mannschaften deelnahmen hebt. De hohe Bedeligung ermodigte den Veren, disse Ort de Verbindung to de Stockelsdörper as fasten Bestanddeel in dat Verensleben uptonähmen.

 

1969 - Utschmückung

 

In Anerkennung und de Bedüdung vun' Schütten- und Heimatfest stellt de Gemeen för de Utschmückung vun dat Stratenbild 50 nüe Fahnen to Verfügung, de jedes Johr vun de Schüttenbröder an de Laternmasten uphängt ward.

 

1970 - Wachablösung

 

De av 1967 amtierende 1. Vörsitzende Max Hamerich kandidiert nicht wedder. He ward in Würdigung siener Verdenste üm den Veren to'n Ehrenmitglied ernannt. Sien Nafolger ward de betherige 2. Vörsitzeende Kurt Brüdigam.

 

 

1971 - De irsten Erfolge

 

De irsten nennenswerten Erfolge in dat sportliche Scheeten tekend sick av. De Pistolenschütten in de Schüttenklass Hellmann, Jorek, Konrad, Siemers und in de Öllersklass Brüdigam, Dangeleit und Kaiser halt in 47 Wettkämpfe up de Kreis-, Bezirks- und Landesebene 21 irste, 21 tweete und 3 drütte Utteeknungen. Ok in 1972 sett sick de Erfolge vun de Pistolenschütten furt: een poor dorvun wören sogar mit ern Ballermann vun den Dörpsjendarm to ne Personensicherung in Festümtog insett.